കോഴിക്കോട്: ബിജെപി നേതൃത്വം നല്‍കുന്ന അസമിലെ ഫാഷിസ്റ്റ് ഭരണകൂടം പോലിസിനെ ഉപയോഗിച്ച് ദറങ് ജില്ലയില്‍ നടത്തിയ നരനായാട്ടിനെതിരേ ശനിയാഴ്ച സംസ്ഥാന വ്യാപകമായി പ്രതിഷേധമാചരിക്കും. പോപുലര്‍ ഫ്രണ്ടാണ് പ്രതിഷേധത്തിന് ആഹ്വാനം ചെയ്തിരിക്കുന്നത്. അസമിലെ സംഭവങ്ങള്‍ അപലപനീയമാണെന്ന് പോപുലര്‍ ഫ്രണ്ട് സംസ്ഥാന ജനറല്‍ സെക്രട്ടറി എ അബ്ദുല്‍ സത്താര്‍ പറഞ്ഞു.
അസമില്‍ 800ഓളം കുടുംബങ്ങളെ മുന്നറിയിപ്പുപോലും നല്‍കാതെ കുടിയൊഴിച്ചതിനും പ്രതിഷേധിച്ചവരെ വെടിവച്ചുകൊന്നതിനുമെതിരേ വ്യാപകമായി പ്രതിഷേധം ഉയര്‍ന്നുവരണമെന്നും അസം ഭരണകൂടത്തിന്റെ ക്രൂരവും പൈശാചികവുമായ നടപടിക്കെതിരെ നാളെ സംസ്ഥാന വ്യാപകമായി പ്രതിഷേധം സംഘടിപ്പിക്കുമെന്നും എ അബ്ദുല്‍ സത്താര്‍ അറിയിച്ചു.