അട്ടപ്പാടി മധു വധക്കേസ്: അമ്മയെയും ഉദ്യോഗസ്ഥനെയും ശനിയാഴ്ച വിസ്തരിക്കും
പാലക്കാട്: അട്ടപ്പാടിയില്‍ മധുവിനെ കൊലപ്പെടുത്തിയ കേസില്‍ മധുവിന്റെ അമ്മ മല്ലിയെയും അന്വേഷണ ഉദ്യോഗസ്ഥന്‍ ടി കെ സുബ്രഹ്മണ്യനെയും ശനിയാഴ്ച വിസ്തരിക്കാന്‍ കോടതി ഉത്തരവിട്ടു. ഇവരെ രണ്ടുപേരെയും വീണ്ടും വിസ്തരിക്കണമെന്നാവശ്യപ്പെട്ട് കഴിഞ്ഞദിവസം പ്രതിഭാഗം ഹരജി നല്‍കിയിരുന്നു. ഈ ഹര്‍ജിയിലാണ് ഉത്തരവ്. ഒന്നാംപ്രതി ഹുസൈന്റെ മകന്‍, മരുമകന്‍, സഹോദരന്‍ എന്നിവരെ വിസ്തരിക്കാന്‍ പ്രതിഭാഗം കഴിഞ്ഞദിവസം ഹരജി നല്‍കിയിരുന്നു. ഈ ഹരജിയിലും ഇവരെ വിസ്തരിക്കാന്‍ കോടതി ഉത്തരവിട്ടു. ഇവരെ വെള്ളിയാഴ്ച വിസ്തരിക്കും.