പൊതുമരാമത്ത് മന്ത്രി മുഹമ്മദ് റിയാസിനെതിരേ കേസെടുക്കണമെന്ന് അഡ്വ. ബിന്ദു കൃഷ്ണ

കൊല്ലം: പൊതുമരാമത്ത് മന്ത്രി മുഹമ്മദ് റിയാസിനെതിരേ കേസെടുക്കണമെന്ന് കോൺ​ഗ്രസ് നേതാവ് അ‍ഡ്വ. ബിന്ദു കൃഷ്ണ. എടപ്പാൾ മേൽപ്പാലത്തിന്റെ ഉദ്ഘാടനത്തിൽ ആൾക്കൂട്ടം തടിച്ചുകൂടിയ സംഭവം മുൻനിർത്തിയാണ് കോൺ​ഗ്രസ് നേതാവ് പരാതി ഉയർത്തിയത്. 'മി(നി)സ്റ്റർ മരുമകന് എതിരെ കേസ് എടുക്കാൻ ആരോഗ്യവകുപ്പ് മന്ത്രി ആഭ്യന്തര വകുപ്പിനോട് ശുപാർശ ചെയ്യണമെന്നാണ്' ബിന്ദു കൃഷ്ണ ആവശ്യപ്പെട്ടത്.

ജീവിതത്തിൻ്റെ രണ്ടറ്റം കൂട്ടിമുട്ടിക്കാൻ നെട്ടോട്ടമോടുന്ന ജനങ്ങളെ കൊള്ളയടിച്ചവരാണ് ആഭ്യന്തര വകുപ്പെന്നും കോൺ​ഗ്രസ് നേതാവ് ഫേസ്ബുക്കിൽ കുറിച്ചു. എടപ്പാൾ മേൽപ്പാലം ഉദ്ഘാടനത്തിൽ മന്ത്രിമാർക്കൊപ്പം ജനങ്ങളും തടിച്ചുകൂടിയ ഫോട്ടോ പങ്കുവച്ചാണ് ബിന്ദു കൃഷ്ണ പരിഹാസം ഉന്നയിച്ചത്.