ബുഷ്‌റ മുഹമ്മദ് ഷൊര്‍ണുര്‍ എന്‍ഡബ്ല്യുഎഫ് പാലക്കാട് ജില്ലാ പ്രസിഡന്റ്; റംസിന സിദ്ദിഖ്, ലിഫാഫത് അഷ്‌റഫ് സെക്രട്ടറിമാര്‍
പാലക്കാട്: നാഷനല്‍ വിമന്‍സ് ഫ്രണ്ട് പാലക്കാട് ജില്ലാ പ്രസിഡന്റായി ബുഷ്‌റ മുഹമ്മദിനെ തിരഞ്ഞെടുത്തു. സെക്രട്ടറിമാരായി റംസീന സിദ്ദിഖ്, ലിഫാഫത് അഷ്‌റഫ് എന്നിവരെയും തിരഞ്ഞെടുത്തു. വാടാനംകുറിശ്ശിൃ-വള്ളുവനാട് ഹൗസില്‍ നടന്ന നാഷനല്‍ വിമന്‍സ് ഫ്രണ്ട് ജില്ലാ കമ്മിറ്റി തിരഞ്ഞെടുപ്പ് യോഗം സംസ്ഥാന കമ്മിറ്റി അംഗം കമറുന്നിസ മുഹമ്മദ് അലി കോട്ടക്കല്‍ ഉദ്ഘാടനം ചെയ്തു.
വര്‍ഗീയ പരാമര്‍ശം നടത്തിയ പാലാ ബിഷപ്പിനെ മതേതരകക്ഷികള്‍ എന്നവകാശപ്പെടുന്നവരും സര്‍ക്കാര്‍ പ്രതിനിധികളും സന്ദര്‍ശിക്കുന്നതും പിന്തുണക്കുന്നതും അങ്ങേയറ്റം അപലപനീയവും പ്രതിഷേധാര്‍ഹമാണെന്നും രാജ്യം കാത്തുസൂക്ഷിക്കുന്ന മതേതര മൂല്യത്തിന് നിരക്കാത്തതുമാണെന്ന്‌നും അവര്‍ ചൂണ്ടിക്കാട്ടി.
ജില്ലാ സെക്രട്ടറി റംസീന സിദ്ദിഖ് വാര്‍ഷിക റിപോര്‍ട്ട് അവതരിപ്പിച്ചു. സിദ്ദിഖ് തോട്ടിന്‍ കര, സുലൈമാന്‍ മൗലവി എന്നിവര്‍ സംസാരിച്ചു.