മലപ്പുറം: തിരൂരില് സ്വകാര്യബസും കാറും കൂട്ടിയിടിച്ച് 16 പേര്ക്ക് പരിക്ക്. കോഴിക്കോടുനിന്ന് തിരൂരില് ചികിത്സക്കായി ഡോക്ടറെ കാണാനെത്തിയവര് സഞ്ചരിച്ച കാറും കുറ്റിപ്പുറത്ത് നിന്ന് തിരൂരിലേക്ക് വരികയായിരുന്ന സ്വകാര്യ ബസും തമ്മിലാണ് കൂട്ടിയിടിച്ചത്. കാര് യാത്രക്കാരായ രണ്ടുപേരെ കോഴിക്കോട് മെഡിക്കല് കോളജ് ആശുപത്രിയില് പ്രവേശിപ്പിച്ചു. പരിക്കേറ്റ മറ്റ് യാത്രക്കാരെല്ലാം തിരൂര് ജില്ലാ ആശുപത്രിയില് ചികിത്സയിലാണ്.