ചാംപ്യന്‍സ് ലീഗ്; യുനൈറ്റഡ് കയറി; പിഎസ്ജിക്ക് കാത്തിരിക്കണം
പിഎസ്ജിയുടെ അടുത്ത മല്‍സരത്തിലെ എതിരാളികള്‍ മാഞ്ചസ്റ്റര്‍ യുനൈറ്റഡാണ്
ഓള്‍ഡ് ട്രാഫോഡ്: ഇസ്താംബൂള്‍ ബാസ്‌ക്‌സെഹറിനെ 4-1ന് തോല്‍പ്പിച്ച് മാഞ്ചസ്റ്റര്‍ യുനൈറ്റഡ് ചാംപ്യന്‍സ് ലീഗ് നോക്കൗട്ടിലേക്ക് കയറി. ബ്രൂണോ ഫെര്‍ണാണ്ടസ്(ഡബിള്‍), റാഷ്‌ഫോഡ്, ജെയിംസ് എന്നിവരാണ് യുനൈറ്റഡിനായി സ്‌കോര്‍ ചെയ്തത്. ഇതേ ഗ്രൂപ്പില്‍ പിഎസ്ജി ആര്‍ ബി ലെപ്ഗസിഗിനെതിരേ ഒരു ഗോളിന് ജയിച്ചെങ്കിലും നോക്കൗട്ടിലേക്ക് പ്രവേശിക്കാന്‍ ഒരു ജയം കൂടി വേണം. 11ാം മിനിറ്റില്‍ പെനാല്‍റ്റിയിലൂടെ നെയ്മര്‍ നേടിയ ഒരു ഗോളാണ് പിഎസ്ജിക്ക് ജയമൊരുക്കിയത്. പിഎസ്ജിയുടെ അടുത്ത മല്‍സരത്തിലെ എതിരാളികള്‍ മാഞ്ചസ്റ്റര്‍ യുനൈറ്റഡാണ് . ലെപ്‌സിഗിന്റെ എതിരാളി ഇസ്താംബൂള്‍ ബാസ്‌ക്‌സെഹറാണ്. പിഎസ്ജിക്കും ലെപ്‌സിഗിനും നിലവില്‍ ഒരേ പോയിന്റാണുള്ളത്. അടുത്ത മല്‍സരത്തിലെ വിജയിയാവും നോക്കൗട്ടിലേക്ക് കടക്കുക.
ക്ലബ്ബ് ബ്രൂഗ്‌സിനെ എതിരില്ലാത്ത മൂന്ന് ഗോളിന് തോല്‍പ്പിച്ചാണ് ബോറൂസിയാ ഡോര്‍ട്ട്മുണ്ട് അടുത്ത റൗണ്ടിലേക്ക് കയറിയത്. മല്‍സരത്തില്‍ ഹാലന്റ് ഇരട്ട ഗോള്‍ നേടി. സാഞ്ചോയാണ് മറ്റൊരു ഗോള്‍ നേടിയത്. സെനിറ്റ് പീറ്റേഴ്‌സ് ബര്‍ഗിനെ 3-1ന് തറപറ്റിച്ചാണ് ഇറ്റാലിയന്‍ പ്രമുഖരായ ലാസിയോ നോക്കൗട്ടില്‍ കയറിയത്. സിറോ ഇമ്മൊബിലേ ലാസിയോക്കായി ഇരട്ടഗോള്‍ നേടി. പരോലോയാണ് മൂന്നാം ഗോള്‍ നേടിയത്