ചെര്‍പ്പുളശ്ശേരി: മാതാവിന്റെ വീട്ടിലെത്തിയ രണ്ടാം ക്ലാസ് വിദ്യാര്‍ത്ഥി കുളത്തില്‍ വീണ് മരിച്ചു. മേലെ പൊട്ടച്ചിറ മലയില്‍ താഴത്തേതില്‍ ഷാഫിയുടെ മകന്‍ മുഹമ്മദ് ഫസീഹ്(7) ആണ് മരിച്ചത്. പൊട്ടച്ചിറ എംടിഐ സ്‌കൂളിലെ രണ്ടാം ക്ലാസ് വിദ്യാര്‍ത്ഥിയാണ്. ചളവറ പുലിയാനാംകുന്ന് പെരുംകുളത്തിലാണ് വീണത്. മാതാവിന്റെ വീട്ടിലെത്തിയതായിരുന്നു. ഞായറാഴ്ച വൈകീട്ട് ആറോടെ കൂട്ടുകാര്‍ക്കൊപ്പം കുളിക്കാന്‍ ഇറങ്ങിയപ്പോഴാണ് അപകടത്തില്‍പ്പെട്ടത്. ചെര്‍പ്പുളശ്ശേരി പോലിസ് നിയമ നടപടികള്‍ സ്വീകരിച്ച് ഒറ്റപ്പാലം താലൂക്ക് ആശുപത്രിയില്‍ പോസ്റ്റുമോര്‍ട്ടത്തിന് ശേഷം മേലെ പൊട്ടച്ചിറ തഖ് വ ജുമാമസ്ജിദ് ഖബര്‍സ്ഥാനില്‍ മറവ് ചെയ്തു. മാതാവ്: ഷമീമ. സഹോദരങ്ങള്‍: ആയിഷ, അബ്ദുല്‍ ഫത്താഹ്.