പശ്ചിമ ബംഗാളില്‍ 24 മണിക്കൂറിനുളളില്‍ 743 പേര്‍ക്ക് കൊവിഡ് സ്ഥിരീകരിച്ചു
കൊല്‍ക്കൊത്ത: പശ്ചിമ ബംഗാളില്‍ കഴിഞ്ഞ 24 മണിക്കൂറിനുള്ളില്‍ 743 പേര്‍ക്ക് കൊവിഡ് സ്ഥിരീകരിച്ചു. ഇതോടെ സംസ്ഥാനത്തെ മൊത്തം രോഗബാധിതരുടെ എണ്ണം 21,231 ആയതായി സംസ്ഥാന ആരോഗ്യമന്ത്രാലയം സ്ഥിരീകരിച്ചു.
കഴിഞ്ഞ 24 മണിക്കൂറിനുള്ളില്‍ 19 പേര്‍ക്ക് ജീവഹാനിയുണ്ടായിട്ടുണ്ട്. കൊവിഡ് ബാധിച്ച് മരിച്ചവരുടെ എണ്ണം ഇതോടെ 736 ആയി.
കേന്ദ്ര ആരോഗ്യമന്ത്രാലയത്തിന്റെ കണക്കനുസരിച്ച് രാജ്യത്ത് 6,48,315 പേര്‍ക്ക് കൊവിഡ് ബാധിച്ചിട്ടുണ്ട്. അതില്‍ 3,94,227 പേരുടെ രോഗം ഭേദമായി ആശുപത്രി വിട്ടു. 18,655 പേര്‍ മരിച്ചു.