വയനാട്: ജില്ലയില്‍ ബുധനാഴ്ച 59 പേര്‍ക്ക് കൊവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫിസര്‍ ഡോ. ആര്‍. രേണുക അറിയിച്ചു. 100 പേര്‍ രോഗമുക്തി നേടി. 57 പേര്‍ക്ക് സമ്പര്‍ക്കത്തിലൂടെയാണ് രോഗബാധ. ഇതോടെ ജില്ലയില്‍ കൊവിഡ് സ്ഥിരീകരിച്ചവരുടെ ആകെ എണ്ണം 27,814 ആയി. 26,997 പേര്‍ ഇതുവരെ രോഗമുക്തരായി. നിലവില്‍ 640 പേരാണ് ചികിത്സയിലുള്ളത്. ഇവരില്‍ 575 പേര്‍ വീടുകളിലാണ് ഐസൊലേഷനില്‍ കഴിയുന്നത്.
രോഗം സ്ഥിരീകരിച്ചവര്‍
കല്‍പ്പറ്റ 10, മീനങ്ങാടി 7, ബത്തേരി, വെള്ളമുണ്ട 6 വീതം, മുള്ളന്‍കൊല്ലി 5, മൂപ്പൈനാട്, നൂല്‍പ്പുഴ, പനമരം 3 വീതം, അമ്പലവയല്‍, മാനന്തവാടി, പടിഞ്ഞാറത്തറ, പൂതാടി, തവിഞ്ഞാല്‍, തിരുനെല്ലി 2 വീതം, കണിയാമ്പറ്റ, നെന്മേനി സ്വദേശികളായ ഓരോരുത്തരുമാണ് സമ്പര്‍ക്കത്തിലൂടെ രോഗബാധിതരായത്. മഹാരാഷ്ട്രയില്‍ നിന്ന് വന്ന രണ്ട് മുള്ളന്‍കൊല്ലി സ്വദേശികള്‍ക്കും രോഗം സ്ഥിരീകരിച്ചു.
100 പേര്‍ക്ക് രോഗമുക്തി
സുല്‍ത്താന്‍ ബത്തേരി, മാനന്തവാടി 3 വീതം, മൂപ്പൈനാട്, മേപ്പാടി, വെള്ളമുണ്ട, തിരുനെല്ലി സ്വദേശികളായ ഓരോരുത്തരും വീടുകളില്‍ ചികിത്സയിലായിരുന്ന 90 പേരുമാണ് രോഗം ഭേദമായി ഡിസ്ചാര്‍ജ് ആയത്.
138 പേര്‍ പുതുതായി നിരീക്ഷണത്തില്‍
കൊവിഡുമായി ബന്ധപ്പെട്ട് ജില്ലയില്‍ ഇന്ന് (17.03.21) പുതുതായി നിരീക്ഷണത്തിലായത് 138 പേരാണ്. 249 പേര്‍ നിരീക്ഷണക്കാലം പൂര്‍ത്തിയാക്കി. നിലവില്‍ നിരീക്ഷണത്തിലുള്ളത് 3383 പേര്‍. ഇന്ന് പുതുതായി 12 പേര്‍ ആശുപത്രിയില്‍ നിരീക്ഷണത്തിലായി. ജില്ലയില്‍ നിന്ന് ഇന്ന് 996 സാംപിളുകളാണ് പരിശോധനയ്ക്ക് അയച്ചത്. ഇതുവരെ പരിശോധനയ്ക്ക് അയച്ച 301424 സാംപിളുകളില്‍ 296214 പേരുടെ ഫലം ലഭിച്ചു. ഇതില്‍ 268400 നെഗറ്റീവും 27814 പോസിറ്റീവുമാണ്.