കൊവിഡ് ; മാധ്യമ പ്രവര്‍ത്തകര്‍ക്ക് വിദഗ്ധ ചികിത്സ ഉറപ്പാക്കണമെന്ന് നജീബ് കാന്തപുരം എംഎല്‍എ
തിരുവനന്തപുരം : കൊവിഡ് മഹാമാരി ജനജീവിതം ദുസ്സഹമാക്കി മുന്നോട്ടു പോവുന്ന ഈ ഘട്ടത്തില്‍ മാധ്യമ പ്രവര്‍ത്തകര്‍ക്കായി പ്രത്യേക പദ്ധതികള്‍ നടപ്പാക്കണമെന്ന് നജീബ് കാന്തപുരം എംഎല്‍എ. മുഖ്യമന്ത്രി പിണറായി വിജയനെ നേരില്‍ കണ്ടാണ് നജീബ് കാന്തപുരം ഈ ആവശ്യം ഉന്നയിച്ചത്.
കൊവിഡ് വ്യാപകമാവുന്ന സാഹചര്യത്തില്‍ ജനങ്ങളുമായി നിരന്തരം ഇടപെട്ടു കൊണ്ട് ജോലി ചെയ്യുന്ന മാധ്യമ പ്രവര്‍ത്തകര്‍ക്കിടയില്‍ രോഗ വ്യാപന സാധ്യത ഏറെയാണ്. മലയാളി മാധ്യമ പ്രവര്‍ത്തകരും കൊവിഡ് ബാധിച്ചു മരണമടഞ്ഞിട്ടുണ്ട്. കൊവിഡ് ബാധിതരായ മാധ്യമ പ്രവര്‍ത്തകര്‍ക്ക് വിദഗ്ധ ചികിത്സ ഉറപ്പാക്കണമെന്നും കോവിഡ് ബാധിച്ചു മരണപ്പെട്ട മാധ്യമ പ്രവര്‍ത്തകരുടെ കുടുംബത്തിന് 10 ലക്ഷം രൂപ സഹായം നല്‍കണമെന്നും നജീബ് കാന്തപുരം മുഖ്യമന്ത്രിക്ക് നല്‍കിയ നിവേദനത്തില്‍ പറഞ്ഞു.