എറണാകുളം: സംസ്ഥാനത്ത് ഇതുവരെ കൊവിഡ് വാക്സിന് സ്വീകരിച്ചത് 2,75,079 പേരെന്ന് സംസ്ഥാന ആരോഗ്യവകുപ്പ്. വ്യാഴാഴ്ച 24,949 ആരോഗ്യ പ്രവർത്തകർ കൊവിഡ്-19 വാക്‌സിൻ സ്വീകരിച്ചു. 440 വാക്‌സിനേഷൻ കേന്ദ്രങ്ങളിലാണ് വാക്‌സിൻ കുത്തിവയ്പ്പ് ഉണ്ടായിരുന്നത്. എറണാകുളം ജില്ലയിലാണ് ഏറ്റവും കൂടുതൽ (92) വാക്‌സിനേഷൻ കേന്ദ്രങ്ങളുണ്ടായിരുന്നത്. ആലപ്പുഴ 22, എറണാകുളം 92, ഇടുക്കി 13, കണ്ണൂർ 28, കാസർഗോഡ് 1, കൊല്ലം 23, കോട്ടയം 32, കോഴിക്കോട് 31, മലപ്പുറം 38, പാലക്കാട് 40, പത്തനംതിട്ട 14, തിരുവനന്തപുരം 46, തൃശൂർ 51, വയനാട് 9 എന്നിങ്ങനെയാണ് കോവിഡ് വാക്‌സിനേഷൻ കേന്ദ്രങ്ങളുടെ എണ്ണം.
എറണാകുളം ജില്ലയിലാണ് ഏറ്റവും കൂടുതൽ ആരോഗ്യ പ്രവർത്തകർ (5,994) വാക്‌സിൻ സ്വീകരിച്ചത്. ആലപ്പുഴ 838, എറണാകുളം 5,994, ഇടുക്കി 723, കണ്ണൂർ 1653, കാസർഗോഡ് 74, കൊല്ലം 1,396, കോട്ടയം 1,647, കോഴിക്കോട് 2,355, മലപ്പുറം 1,569, പാലക്കാട് 2,324, പത്തനംതിട്ട 990, തിരുവനന്തപുരം 2714, തൃശൂർ 2043, വയനാട് 629 എന്നിങ്ങനെയാണ് വാക്‌സിൻ സ്വീകരിച്ചവരുടെ എണ്ണം. ഇതോടെ ആകെ 2,75,079 ആരോഗ്യ പ്രവർത്തകരാണ് വാക്‌സിൻ സ്വീകരിച്ചത്