കരിപ്പൂര്‍ വിമാന ദുരന്തത്തെ കുറിച്ച് ഡോക്യുമെന്ററിയുമായി ഡിസ്‌കവറി പ്ലസ്
കോഴിക്കോട്: കരിപ്പൂര്‍ അന്താരാഷ്്ട്ര വിമാനത്താവളത്തിലുണ്ടായ മഹാദുരന്തത്തെ പശ്ചാത്തലമാക്കുന്ന ഡോക്യുമെന്ററിയുമായി ഡിസ്‌കവറി പ്ലസ്. വന്ദേ ഭാരത് ഫ്‌ളൈറ്റ് IX1344 : ഹോപ് ടു സര്‍വൈവല്‍. എന്ന ഡോക്യുമെന്ററി 'ദുരന്തങ്ങളുടെ ചുരുളഴിക്കാന്‍ സഹായിക്കുന്ന സംഭവങ്ങളിലേക്ക് ആഴത്തില്‍ കടന്നുചെന്ന് വസ്തുതാപരമായ കഥകള്‍ വൈദഗ്ധ്യത്തോടെ അവതരിപ്പിക്കുന്നു' എന്നാണ് ഡിസ്‌കവറി പ്ലസ് പറയുന്നത്. 45 മിനിറ്റ് ദൈര്‍ഘ്യമുള്ള ഈ ഡോക്യൂമെന്ററിയില്‍ അപകടം തരണം ചെയ്തവര്‍, മരണപ്പെട്ടവരുടെ ബന്ധുക്കള്‍ , ആന്നേ ദിവസം ഫ്‌ളൈറ്റിലുണ്ടായിരുന്ന ക്യാപ്റ്റന്‍ അമിത് സിങ് ഉള്‍പ്പെടെ നിരവധി ജീവനക്കാര്‍ എന്നിവരുടെ അനുഭവവും, അപകടത്തിന് പിന്നിലെ കാരണത്തെ പറ്റി വിദഗ്ദ്ധരുടെ അഭിപ്രായങ്ങളും ഉള്‍പ്പെടുത്തിയിട്ടുണ്ട് .
2020 ഓഗസ്റ്റ് 7 ന് ലാന്റിങിനിടെ വിമാനം രെണ്‍വേയില്‍ നിന്നും തെന്നിമാറി 19 പേരാണ് കൊല്ലപ്പെട്ടത്. നാട്ടുകാരുടെയും അധികാരികളുടെയും സമയോചിതമായ കഠിന പരിശ്രമം മൂലം 171 പേരെ അത്ഭുതകരമായി രക്ഷപ്പെടുത്തിയിരുന്നു.