ഇ ഡി കേസ്; സിദ്ധിഖ് കാപ്പന്റെ ജാമ്യാപേക്ഷ തള്ളി
ഈ കേസില്‍ സിദ്ധിഖ് കാപ്പനൊപ്പം ഉണ്ടായിരുന്ന ആലമിന് ലഖ്‌നൗ ജില്ലാ കോടതി ജാമ്യം അനുവദിച്ചിരുന്നു.
ന്യൂഡല്‍ഹി: ഇ ഡി കേസില്‍ മലയാളി മാധ്യമപ്രവര്‍ത്തകന്‍ സിദ്ധിഖ് കാപ്പന്റെ ജാമ്യാപേക്ഷ തള്ളി. ലഖ്‌നൗ ജില്ലാ കോടതിയുടേതാണ് നടപടി. യുഎപിഎ കേസില്‍ സുപ്രിംകോടതി നേരത്തെ കാപ്പന് ജാമ്യം അനുവദിച്ചിരുന്നു. ഇ ഡി കേസില്‍ ജാമ്യം ലഭിക്കാത്തതിനാല്‍ കാപ്പന് ജയില്‍ മോചിതനാവാന്‍ കഴിഞ്ഞില്ല. അതേ സമയം ഈ കേസില്‍ സിദ്ധിഖ് കാപ്പനൊപ്പം ഉണ്ടായിരുന്ന ആലമിന് ലഖ്‌നൗ ജില്ലാ കോടതി ജാമ്യം അനുവദിച്ചിരുന്നു. ഉത്തര്‍പ്രദേശ് പോലിസ് ചുമത്തിയ ഹഥറാസ് ഗൂഢാലോചന കേസില്‍ പ്രതിയെന്നാരോപിച്ച് കാപ്പാന്‍ രണ്ട് വര്‍ഷത്തോളമായി ജയിലിലാണ്. അലഹബാദ് ഹൈക്കോടതി ജാമ്യം നിഷേധിച്ചതിനെ തുടര്‍ന്നാണ് യുഎപിഎ കേസില്‍ കാപ്പന് ജാമ്യം തേടി സുപ്രിം കോടതിയെ സമീപിച്ചത്.
