അപകടത്തില്‍ പരിക്കേറ്റ കോഴിക്കോട് കോര്‍പറേഷന്‍ മുന്‍ കൗണ്‍സിലര്‍ മരിച്ചു
ബുധനാഴ്ച ഉച്ചയ്ക്ക് ടാഗോര്‍ സെന്റിനറി ഹാളിനുമുമ്പില്‍ ബൈക്കുകള്‍ കൂട്ടിയിടിച്ചായിരുന്നു അപകടം. ബൈക്കിന് പിന്‍സീറ്റിലായിരുന്നു അബ്ദുല്‍ കബീര്‍.
കോഴിക്കോട്: ബൈക്കപകടത്തില്‍ പരിക്കേറ്റ് ചികില്‍സയിലായിരുന്ന കോഴിക്കോട് കോര്‍പറേഷന്‍ മുന്‍ കൗണ്‍സിലറും ഡിസിസി ജനറല്‍ സെക്രട്ടറിയുമായ പി വി അബ്ദുല്‍ കബീര്‍ (60) മരിച്ചു. ഖബറടക്കം ശനിയാഴ്ച ഉച്ചയ്ക്ക് രണ്ടിന് പാലാഴി പള്ളി കബറിസ്ഥാനില്‍. 12 മണി മുതല്‍ 12.30 വരെ ഡിസിസി ഓഫിസില്‍ പൊതുദര്‍ശനത്തിന് വെക്കും.
ബുധനാഴ്ച ഉച്ചയ്ക്ക് ടാഗോര്‍ സെന്റിനറി ഹാളിനുമുമ്പില്‍ ബൈക്കുകള്‍ കൂട്ടിയിടിച്ചായിരുന്നു അപകടം. ബൈക്കിന് പിന്‍സീറ്റിലായിരുന്നു അബ്ദുല്‍ കബീര്‍. ബൈക്കോടിച്ച കാട്ടുകുളങ്ങര സ്വദേശി നൗഷാദ് മെഡിക്കല്‍ കോളജ് ആശുപത്രിയില്‍ ചികില്‍സയിലാണ്.
ഷമീനയാണ് കബീറിന്റെ ഭാര്യ. മകള്‍: ഫാത്തിമ ഹെന്ന. മാതാവ്: കോഴിക്കോടന്‍ വീട്ടില്‍ അയിഷാബി. സഹോദരങ്ങള്‍: സക്കറിയ പി ഹുസൈന്‍ (മുന്‍ കൗണ്‍സിലര്‍), തസ്തകീര്‍, നിസാര്‍, നൗഷാദ്, ഷമീര്‍, കമര്‍ബാനു, നജുമാ, ഷഫിയ, ഷാഹിദ, ജംഷിദ.