കോഴിക്കോട് : ഗാന്ധി ജയന്തി ദിനത്തില്‍ എസ്ഡിപിഐ സേവന സമര്‍പ്പണ ദിനമായി ആചരിക്കുമെന്ന് ജില്ല സെക്രട്ടറി നിസാം പുത്തൂര്‍ അറിയിച്ചു. വിദ്യാലയങ്ങള്‍, റോഡ്, ആശുപത്രി, സര്‍ക്കാര്‍ ഓഫീസ് ശുചീകരണം, ഭക്ഷണ കിറ്റ് വിതരണം, മാസ്‌ക്ക് , സാനിറ്റൈസര്‍ വിതരണം, ദിശ ബോര്‍ഡ്, സമയ വിവര പട്ടിക, ബസ് ഷെല്‍ട്ടര്‍ സ്ഥാപിക്കല്‍, ബോധവത്കരണ ക്ലാസ്സുകള്‍, രക്തദാനം തുടങ്ങിയവ സംഘടിപ്പിക്കും.
ജില്ലാ തല ഉദ്ഘാടനം വടകരയില്‍ ജില്ല പ്രസിഡന്റ് മുസ്തഫ കൊമ്മേരി നിര്‍വഹിക്കും. ജില്ല വൈസ് പ്രസിഡന്റ് പി.വി ജോര്‍ജ് , ജനറല്‍ സെക്രട്ടറി എന്‍.കെ റഷീദ് ഉമരി, സെക്രട്ടറിമാരായ കെ പി ഗോപി , നിസാം പുത്തൂര്‍, ജില്ല കമ്മിറ്റി അംഗങ്ങളായ മുസ്തഫ പാലേരി, കെ ജലീല്‍ സഖാഫി, വടകര മണ്ഡലം പ്രസിഡന്റ് ഷംസീര്‍ ചോമ്പാല , സെക്രട്ടറി കെ വി പി ഷാജഹാന്‍, വടകര മുന്‍സിപ്പല്‍ കൗണ്‍സിലര്‍ പി എസ്. ഹക്കീം, അഴിയൂര്‍ ഗ്രാമ പഞ്ചായത്ത് മെമ്പര്‍മാരായ സാലിം അഴിയൂര്‍, സീനത്ത് ബഷീര്‍ എന്നിവര്‍ സംസാരിക്കും.