താനൂര്‍-തിരൂര്‍ റോഡില്‍ ഗ്യാസ് ടാങ്കറും കണ്ടെയ്‌നര്‍ ലോറിയും കൂട്ടിയിടിച്ചു; ഡ്രൈവര്‍ക്ക് ഗുരുതരപരിക്ക്
താനൂര്‍: താനൂര്‍-തിരൂര്‍ റൂട്ടില്‍ മൂലക്കല്‍ ജംഗ്ഷനില്‍ ഗ്യാസ് ടാങ്കറും കണ്ടെയ്‌നര്‍ ലോറിയും തമ്മില്‍ കൂട്ടിയിടിച്ചു. രാത്രി ഒന്നരയോടെയാണ് അപകടം ഉണ്ടായത്. ടാങ്കര്‍ ലോറി ഡ്രൈവര്‍ക്ക് ഗുരുതരമായി പരിക്കുപറ്റി. കൂടെയുള്ളവരുടെ പരിക്കുകള്‍ സാരമല്ല. ഡ്രൈവറെ കോഴിക്കോട് മെഡിക്കല്‍ കോളേജിലേക്ക് മാറ്റി.
ഒന്നര മണിക്കൂര്‍ എടുത്താണ് ടാങ്കര്‍ ലോറി ഡ്രൈവറെ ഫയര്‍ഫോഴ്‌സും പോലിസും പോലിസ് വോളന്റിയറും നാട്ടുകാരും ചേര്‍ന്ന് പുറത്തെടുത്തത്. റോഡില്‍ മണിക്കൂറുകളോളം ഗതാഗതം തടസപ്പെട്ടു.
പല കാരണങ്ങള്‍ക്കൊണ്ടും ഈ റോഡില്‍ അപകടം സ്ഥിരമാവുകയാണ്. മൂന്നു മാസത്തിനകം രണ്ടു ലോറി ഡ്രൈവര്‍മാരാണ് വണ്ടികള്‍ കൂട്ടിയിടിച്ചു മരിച്ചത്. ആറോളം വാഹനങ്ങള്‍ നിയന്ത്രണം കിട്ടാതെ മറിഞ്ഞു.