സ്വകാര്യ ബസ് സര്‍വീസ് പ്രശ്‌നം സര്‍ക്കാര്‍ രമ്യമായി പരിഹരിക്കണമെന്ന് എസ്ഡിടിയു
മലപ്പുറം: കൊവിഡ് 19 മൂലം സംസ്ഥാനത്ത് ഏര്‍പ്പെടുത്തിയ യാത്രാനിയന്ത്രണം മൂലം ദുരിതത്തിലായ സ്വകാര്യ ബസ് സര്‍വീസ് മേഖലയിലെ പ്രശ്‌നം സര്‍ക്കാര്‍ ഇടപെട്ട് പരിഹരിക്കണമെന്ന് എസ്ഡിടിവി ആവശ്യപ്പെട്ടു. ഇന്ധനവില ദിനേന കുതിച്ചുയരുന്നതും സ്‌പെയര്‍ പാര്‍ട്‌സുള്‍പ്പടെ അനുബന്ധ ചെലവുകള്‍ വര്‍ധിച്ചതും ഈ പ്രയാസങ്ങള്‍ക്ക് ആക്കം കൂട്ടിയിരിക്കുന്നു. സംസ്ഥാനത്തിനു നേരിട്ട നഷ്ടങ്ങള്‍ സ്വകാര്യ ബസ് ഉടമകള്‍ വഹിക്കണമെന്നാണ് സര്‍ക്കാര്‍ പറയുന്നത്. ഈ മേഖലയില്‍ പണിയെടുക്കുന്ന പതിനായിരക്കണക്കിന് തൊഴിലാളികളുടെ തൊഴില്‍ സുരക്ഷക്ക് ഇത് ഭീഷണിയാണെന്നും ഉടന്‍ പരിഹരിക്കണമെന്നും എസ്ഡിടിയു മലപ്പുറം ജില്ല ജനറല്‍ സെക്രട്ടറി പി എ ഷംസുദ്ദീന്‍ ആവശ്യപ്പെട്ടു.
മാന്യമായ ചാര്‍ജ്ജ് വര്‍ധനവിന് ഇടക്കാല ഉത്തരവ് നല്‍കുക, ഇന്ധന നികുതി 28 ശതമാനമെന്നത് 14 ശതമാനമാക്കി കുറക്കുക, അടുത്ത 3 മാസങ്ങളിലെ നികുതി ഒഴിവാക്കുക തുടങ്ങിയ അനുഭാവ പൂര്‍ണമായ നടപടികള്‍ സര്‍ക്കാര്‍ കൈക്കൊള്ളുക തുടങ്ങിയവയാണ് മറ്റ് ആവശ്യങ്ങള്‍.