ഇമ്രാന്‍ ഖാന് പുറത്ത്: പ്രധാനമന്ത്രി സ്ഥാനത്തേക്ക് മല്‍സരിക്കാന്‍ ഷഹബാസ് ശെരീഫും ഷാ ഖുറേശിയും
ഇസ് ലാമാബാദ്: അവിശ്വാസ വോട്ടെടുപ്പില്‍ പരാജയപ്പെട്ട് ഇമ്രാന്‍ ഖാന് പുറത്തായ ഒഴിവിലേക്ക് മല്‍സരിക്കാന്‍ രണ്ട് സ്ഥാനാര്‍ത്ഥികള്‍. ഷഹബാസ് ശെരീഫിനെ പ്രതിപക്ഷത്തിന്റെ സംയുക്ത സ്ഥാനാര്‍ത്ഥിയായി നാമനിര്‍ദേശം ചെയ്തു. മുന്‍ പ്രധാനമന്ത്രി നവാസ് ശെരീഫിന്റെ ഇളയ സഹോദരനാണ് ഷഹബാസ് ശെരീഫ്(70).
ഇമ്രാന്‍ ഖാന്റെ പാര്‍ട്ടിയായ തെഹ്‌റീക് ഇ ഇന്‍സാഫ് പാര്‍ട്ടിയുടെ നേതാവ് ഷ മഹ്മൂദ് ഖുറേശിയാണ് രണ്ടാമത്തെ സ്ഥാനാര്‍ത്ഥി. നാളെയാണ് പ്രധാനമന്ത്രിയെ പ്രഖ്യാപിക്കുക.
342 അംഗ സഭയില്‍ 174 പേരുടെ പിന്തുണയാണ് പ്രതിപക്ഷത്തിനുളളത്.