ബീജിങ്: ഇന്ത്യക്കാരനായ വിദ്യാര്‍ഥി ചൈനയിലെ താമസ സ്ഥലത്ത് കൊല്ലപ്പെട്ടു. ചൈനയിലെ ടിയാന്‍ജിന്‍ ഫോറിന്‍ സ്റ്റഡീസ് യൂനിവേഴ്‌സിറ്റിയില്‍ ബിസിനസ് അഡ്മിനിസ്‌ട്രേഷന്‍ വിദ്യാര്‍ത്ഥിയായ അമന്‍ നാഗ്‌സെന്‍ ആണ് കൊല്ലപ്പെട്ടത്. ബിഹാറിലെ ഗയ സ്വദേശിയാണ് അമന്‍ നാഗ്‌സെന്‍.
സംഭവവുമായി ബന്ധപ്പെട്ട് ഒരു വിദേശിയെ അറസ്റ്റ് ചെയ്തതായി ചൈനീസ് അധികൃതര്‍ അറിയിച്ചു. പ്രതിയെന്ന് സംശയിക്കുന്നയാള്‍ ഇതേ യൂനിവേഴ്‌സിറ്റിയില്‍ വിദ്യാര്‍ത്ഥിയാണ്. എന്നാല്‍ ഏതു രാജ്യക്കാരനാണെന്നു വെളിപ്പെടുത്തിയിട്ടില്ല. ജൂലൈ 29ന് രാത്രി എട്ടു മണിക്കാണ് അമനെ കൊല്ലപ്പെട്ട നിലയില്‍ കണ്ടെത്തിയത്.
കേസ് അന്വേഷണ പുരോഗതി എംബസി അമന്‍ നാഗ്‌സെനിന്റെ കുടുംബത്തെ അറിയിച്ചു. മൃതദേഹം ഇന്ത്യയിലേക്ക് അയക്കാനുള്ള ശ്രമത്തിലാണ് എംബസി.