കാംപസാര്‍ മുഹ്‌യുദ്ദീന്‍ മസ്ജിദ് അക്രമം;ഗൂഢാലോചന അന്വേഷിക്കണം: എസ്‌വൈഎസ്
കണ്ണൂര്‍: കാംപസാര്‍ മുഹ്‌യുദ്ദീന്‍ മസ്ജിദില്‍ ചാണകം കൊണ്ടിട്ട സംഭവത്തിന് പ്രതിഷേധം രേഖപ്പെടുത്തി എസ്‌വൈഎസ്.അക്രമത്തിന് പിന്നിലെ ഗൂഢാലോചന അന്വേഷിക്കണമെന്ന് എസ്‌വൈഎസ് ജില്ലാ ക്യാബിനറ്റ് ആവശ്യപ്പെട്ടു.
സംഭവം പ്രതിഷേധാര്‍ഹമാണ്.പ്രതികളെ ഉടന്‍ പിടി കൂടണം. സമാധാനാന്തരീക്ഷം തകര്‍ക്കാനുള്ള ശ്രമങ്ങളെ സമൂഹം കരുതിയിരിക്കണമെന്നും എസ്‌വൈഎസ് അഭ്യര്‍ഥിച്ചു.യോഗത്തില്‍ അബ്ദുല്ലക്കുട്ടി ബാഖവി അധ്യക്ഷത വഹിച്ചു.നിസാര്‍ അതിരകം, അബ്ദുല്‍ ജലീല്‍ സഖാഫി വെണ്‍മണല്‍, ഷാജഹാന്‍ മിസ്ബാഹി, അബ്ദുല്‍ ഹക്കീം സഖാഫി, റഷീദ് കെ മാണിയൂര്‍, ഇഖ്ബാല്‍ മാസ്റ്റര്‍, റഫീഖ് അമാനി എന്നിവര്‍ സംസാരിച്ചു.അബ്ദുറഷീദ് നരിക്കോട് സ്വാഗവും സമീര്‍ ചെറുകുന്ന് നന്ദിയും പറഞ്ഞു.