മാള: കേരള കര്‍ഷക സംഘം മാള ഏരിയ സമ്മേളനം വെള്ളാങ്കല്ലൂരില്‍ കര്‍ഷകസംഘം സംസ്ഥാന കമ്മറ്റിയംഗം എം എം അവറാച്ചന്‍ ഉദ്ഘാടനം ചെയ്തു. കര്‍ഷക സംഘം മാള ഏരിയ സെക്രട്ടറി കെ അരവിന്ദന്‍ മാസ്റ്റര്‍ റിപോര്‍ട്ട് അവതരിപ്പിച്ചു.
ജില്ലാ വൈസ് പ്രസിഡന്റ് ടി എ രാമകൃഷ്ണന്‍, ജില്ലാ ജോയിന്റ് സെക്രട്ടറി സെബി ജോസ്, ടി ജി ശങ്കരനാരായണന്‍ തുടങ്ങിയവര്‍ സമ്മേളനത്തില്‍ പങ്കെടുത്തു. ഉദ്ഘാടന സമ്മേളനത്തില്‍ അഭിഭാഷകനായി എന്‍ റോള്‍ ചെയ്യുകയും യോഗയില്‍ 1008 സൂര്യനമസ്‌കാരം ചെയ്ത് ഇന്ത്യന്‍ ബുക്ക് ഓഫ് റെക്കോര്‍ഡ്‌സ്, ഏഷ്യന്‍ ബുക്ക് ഓഫ്‌റെക്കോഡ്‌സ് കരസ്ഥമാക്കിയ കര്‍ഷക സംഘം വെള്ളാങ്കല്ലൂര്‍ നോര്‍ത്ത് മേഖല പ്രസിഡന്റ് ഷമ്മി ജോസഫിനെ ആദരിച്ചു.
സി പി എം ജില്ലാ കമ്മറ്റിയംഗം എം രാജേഷ്, സി പി എം ഏരിയ സെക്രട്ടറി ടി കെ സന്തോഷ് തുടങ്ങിയവര്‍ അഭിവാദ്യം ചെയ്തു സംസാരിച്ചു.
രാവിലെ വെള്ളാങ്കല്ലൂര്‍ സെന്ററില്‍ പ്രകടനം നടന്നു. ഏരിയ പ്രസിഡന്റ് എം എസ് മൊയ്തീന്‍ പതാക ഉയര്‍ത്തി. സംഘാടക സമിതി ചെയര്‍മാന്‍ കെ വി ഉണ്ണികൃഷ്ണന്‍ സ്വാഗതം ആശംസിച്ചു. കെ അരവിന്ദന്‍ (പ്രസിഡന്റ്), ഉണ്ണികൃഷ്ണന്‍ കുറ്റിപറമ്പില്‍ (സെക്രട്ടറി), പി ആര്‍ രതീഷ്, പി എ അസീസ് (ജോ. സെക്രട്ടറിമാര്‍), ടി ഐ മോഹന്‍ദാസ്, ഡോ. ലതിക റെനി ലാല്‍ (വൈസ് പ്രസിഡന്റുമാര്‍), ടി കെ ഉണ്ണികൃഷ്ണന്‍ (ട്രഷറര്‍) തുടങ്ങിയവരെ ഭാരവാഹികളായി തിരഞ്ഞെടുത്തു.