ക്ലാസുകള്‍ എപ്പിസോഡുകള്‍ തിരിച്ച് ളശൃേെയലഹഹ.സശലേ.സലൃമഹമ.ഴീ്.ശി പോര്‍ട്ടലില്‍ ലഭിക്കും. ഇതിനു പുറമെ പ്ലസ്ടു പൊതുപരീക്ഷയ്ക്കുള്ള ഫോക്കസ് ഏരിയ ഉള്‍പ്പെടുന്ന എപ്പിസോഡുകളും ഓരോ എപ്പിസോഡിലേയും ഫോക്കസ് ഏരിയയുടെ സമയദൈര്‍ഘ്യവും പോര്‍ട്ടലില്‍ ലഭ്യമാക്കും. കുട്ടികള്‍ക്ക് പരീക്ഷയ്ക്കായി ഫോക്കസ് ഏരിയയിലുള്ള പാഠഭാഗങ്ങള്‍ എളുപ്പത്തില്‍ കാണുന്നതിനായാണ് ഈ സംവിധാനം ഒരുക്കിയിരിക്കുന്നത്.
മൊത്തം ക്ലാസുകളുടെ സമയക്രമത്തിലും തിങ്കളാഴ്ച മുതല്‍ മാറ്റമുണ്ട്. അംഗനവാടി കുട്ടികള്‍ക്കുള്ള കിളിക്കൊഞ്ചല്‍ ഇനി തിങ്കള്‍ മുതല്‍ വെള്ളിവരെ രാവിലെ 11 മണിക്കായിരിക്കും. പ്ലസ്വണ്‍ കുട്ടികള്‍ക്ക് ഈ ദിവസങ്ങളില്‍ 7 ക്ലാസുകളുണ്ടായിരിക്കും. ശനി, ഞായര്‍ ദിവസങ്ങളില്‍ ഇനി പ്ലസ്വണ്‍കാര്‍ക്ക് കൂടുതല്‍ ക്ലാസുകള്‍ സംപ്രേഷണം ചെയ്യും. പത്താം ക്ലാസിന്റെ സംപ്രേഷണം ജനുവരി 17ന് പൂര്‍ത്തിയാക്കിയിരുന്നു. സമയക്രമവും ക്ലാസുകളും തുടര്‍ച്ചയായി ഫസ്റ്റ്ബെല്‍ പോര്‍ട്ടലില്‍ പ്രസിദ്ധീകരിക്കും.