തിരുവനന്തപുരം: സിപിഎം പോളിറ്റ് ബ്യുറോ അംഗം കോടിയേരി ബാലകൃഷ്ണനെ ദേശാഭിമാനി ചീഫ് എഡിറ്ററായി തീരുമാനിച്ചു. നേരത്തെ പാര്‍ട്ടി സംസ്ഥാന സെക്രട്ടറിയായിരിക്കേ, ആരോഗ്യ നില മോശമെന്ന് ചൂണ്ടിക്കാട്ടി മാറ്റി നിര്‍ത്തിയിരുന്നു. പാര്‍ട്ടി സെക്രട്ടറി സ്ഥാനത്തേക്ക് തിരികെ വരും എന്ന പ്രതീക്ഷിച്ചിരുന്ന ഘട്ടത്തിലാണ് പാര്‍ട്ടി പത്രത്തിന്റെ ചീഫ് എഡിറ്റര്‍ പദയിലേക്ക് മാറ്റുന്നത്. കളമശ്ശേരിയില്‍ നിന്ന് വിജയിച്ച പി രാജീവ് മന്ത്രിയായതിനെ തുടര്‍ന്ന് ദേശാഭിമാനി ചീഫ് എഡിറ്റര്‍ സ്ഥാനത്ത് നിന്ന് മാറിയിരുന്നു. ചീഫ് എഡിറ്റര്‍ പദവി നല്‍കി പാര്‍ട്ടി സംസ്ഥാന സെക്രട്ടറി സ്ഥാനത്തേക്കുള്ള കോടിയേരിയുടെ തിരിച്ചുവരവിന് തടയിട്ടതാണോ എന്ന് കാത്തിരുന്നു കാണണം.