ഇടുക്കി: കെഎസ്ആര്‍ടിസി ബസ് താഴ്ചയിലേക്ക് മറിഞ്ഞുണ്ടായ അപകടത്തില്‍ ഒരു മരണം. ഇടുക്കി നേര്യമംഗലത്താണ് അപകടം. കട്ടപ്പന സ്വദേശി അനീറ്റ(15)യാണ് മരിച്ചത്. അപകടത്തില്‍ കുട്ടി ടയറിനടിയില്‍ അകപ്പെട്ടു പോവുകയായിരുന്നു. ക്രെയിന്‍ ഉപയോഗിച്ച് ബസ് ഉയര്‍ത്താന്‍ നോക്കിയെങ്കിലും കുട്ടിയെ രക്ഷിക്കാന്‍ കഴിഞ്ഞില്ല. ബസിനുള്ളില്‍ കുടുങ്ങികിടന്ന നിരവധി യാത്രക്കാരെ രക്ഷാപ്രവര്‍ത്തകര്‍ ആശുപത്രിയിലേക്കു മാറ്റി. നാല്‍പ്പതോളം യാത്രക്കാരുണ്ടായിരുന്നു ബസില്‍ എന്നാണ് ഏറ്റവും പുതിയ വിവരം. ഒരാളുടെ നില ഗുരുതരമാണെന്നും റിപോര്‍ട്ടുകളുണ്ട്.
