മാള: തദ്ദേശ സ്വയംഭരണ ദിനാഘോഷത്തിന്റെ മാള ബ്ലോക്ക്തല ഉദ്ഘാടനം മാള ബ്ലോക്ക് പഞ്ചായത്ത് ഹാളില്‍ നടന്നു. ബ്ലോക്ക് പഞ്ചായത്ത് വൈസ് പ്രസിഡന്റ് ഒ സി രവി ഉദ്ഘാടനം ചെയ്തു. വികസന കാര്യ സ്റ്റാന്റിംഗ് കമ്മിറ്റി ചെയര്‍പേഴ്‌സണ്‍ ഷിജി യാക്കോബ് അധ്യക്ഷത വഹിച്ചു.
ആളൂര്‍ ഗ്രാമ പഞ്ചായത്ത് പ്രസിഡന്റ് കെ ആര്‍ ജോജോ, ഗ്രാമപഞ്ചായത്ത് വൈസ് പ്രസിഡന്റുമാര്‍ എന്നിവര്‍ ആശംസകള്‍ നേര്‍ന്നു. തുടര്‍ന്നു നടന്ന സെമിനാറില്‍ കില ഫാക്കല്‍റ്റി ജോണ്‍ കെന്നടി ഈ വിഷയത്തില്‍ സംസാരിച്ചു.
ഗ്രാമപഞ്ചായത്ത് സ്റ്റാന്റിംഗ് കമ്മിറ്റി അംഗങ്ങള്‍, ബ്ലോക്ക് പഞ്ചായത്ത് അംഗങ്ങള്‍, ഗ്രാമപഞ്ചായത് സെക്രട്ടറിമാര്‍, ഉദ്യോഗസ്ഥര്‍ തുടങ്ങിയവര്‍ പങ്കെടുത്തു. ബ്ലോക്ക് പഞ്ചായത്ത് സെക്രട്ടറി ജയ സുരേന്ദ്രന്‍ നന്ദി പറഞ്ഞു.