രാജസ്ഥാനില്‍ ഒമ്പത് വയസുകാരിയെ കഴുത്ത് അറുത്ത് കൊലപ്പെടുത്തി;ഒരാള്‍ കസ്റ്റഡിയില്‍
ജയ്പുര്‍: രാജസ്ഥാനിലെ ജയ്പൂരില്‍ കാണാതായ ഒമ്പത് വയസുകാരിയെ കഴുത്ത് അറുത്ത് കൊലപ്പെടുത്തിയ നിലയില്‍ കണ്ടെത്തി.പെണ്‍കുട്ടിയെ കാണാനില്ലെന്ന രക്ഷിതാക്കളുടെ പരാതിയില്‍ പോലിസ് കേസെടുത്തിരുന്നു.സംഭവത്തില്‍ ഒരാളെ പോലിസ് കസ്റ്റഡിയിലെടുത്തു.
കഴിഞ്ഞ ദിവസമാണ് പെണ്‍കുട്ടിയെ കാണാനില്ലെന്ന് പറഞ്ഞ് വീട്ടുകാര്‍ പോലിസില്‍ പരാതി നല്‍കിയത്.വിവസ്ത്രയായാണ് പെണ്‍കുട്ടിയുടെ മൃതദേഹം കാണപ്പെട്ടതെന്നും,ബലാല്‍സംഗം ചെയത് കൊലപ്പെടുത്തിയതായിരിക്കുമെന്നാണ് സംശയിക്കുന്നതെന്നും ഡിസിപി സുമന്‍ ചൗധരി അറിയിച്ചു.