ക്വാറികുളത്തില്‍ മരിച്ച നിലയില്‍ കണ്ടെത്തിയത് മേപ്പാടിയില്‍ നിന്ന് കാണാതായ യുവതി
സുല്‍ത്താന്‍ ബത്തേരി: ക്വാറി കുളത്തില്‍ മരിച്ച നിലയില്‍ കണ്ടെത്തിയ യുവതിയെ തിരിച്ചറിഞ്ഞു. കഴിഞ്ഞ ദിവസം മേപ്പാടിയില്‍ നിന്ന് കാണാതായ മേപ്പാടി കുന്നംപറ്റ പെരിഞ്ചിറ സതീഷ് കുമാറിന്റെ ഭാര്യ മഞ്ജുവിന്റെ(29) മൃതദേഹമാണ് കണ്ടെത്തിയത്.
എഎസ്പി അജിത് കുമാര്‍, ബെന്നി, അമ്പലവയല്‍ പോലിസ് ഇന്‍സ്‌പെക്ടര്‍ എലിസബത്ത് എന്നിവരുടെയും ഡോഗ് സ്വാഡിന്റെയും നേതൃത്വത്തില്‍ നടത്തിയ പരിശോധനയിലാണ് മരിച്ചത് മഞ്ജുവാണെന്ന് തിരിച്ചറിഞ്ഞത്.
മഞ്ജുവിന്റെ മൊബൈല്‍ കണ്ടെത്തിയിട്ടില്ല. മൃതദേഹം പോസ്റ്റ്‌മോര്‍ട്ടത്തിനുവേണ്ടി മെഡിക്കല്‍കോളജിലേക്ക് മാറ്റി.