കൊയിലാണ്ടി: കൊയിലാണ്ടിയില്‍ തിങ്കളാഴ്ച ഒമ്പത് പേര്‍ക്ക് കൊവിഡ് 19 സ്ഥിരീകരിച്ചു. കഴിഞ്ഞ ദിവസം രോഗം ബാധിച്ച ഓട്ടോ ഡ്രൈവറുടെ അച്ഛനും അമ്മയ്ക്കുമാണ് രോഗം ബാധിച്ചത്. ഇവര്‍ക്ക് പുറമെ 30ാം മുപ്പതാം വാര്‍ഡില്‍ ഒരു കുടുംബത്തിലെ 7 പേര്‍ക്കും രോഗം സ്ഥിരീകരിച്ചു. ഭാര്യ, 2 മക്കള്‍, അമ്മ, ഭാര്യാ സഹോദരന്‍, കൂടാതെ ഇവരുടെ വീട്ടില്‍ വിരുന്നിനെത്തിയ രണ്ടു പേര്‍ക്കുമാണ് രോഗം. താലൂക്ക് ആശുപത്രിയില്‍ നടത്തിയ പരിശോധനയിലാണ് രോഗം കണ്ടെത്തിയത്. ചെങ്ങോട്ട് കാവ് ഗ്രാമപഞ്ചായത്തിെലെ 2 പേര്‍ക്കും രോഗം സ്ഥിരീകരിച്ചിട്ടുണ്ട്. രോഗവ്യാപനത്തിന്റെ പശ്ചാത്തലത്തില്‍ ജനങ്ങള്‍ ജാഗ്രത പാലിക്കണമെന്ന് നഗരസഭാ ചെയര്‍മാന്‍ പറഞ്ഞു.