പോപുലര്‍ ഫ്രണ്ട് നാളെ പ്രഖ്യാപിച്ച ഹര്‍ത്താല്‍ പിന്‍വലിച്ചിട്ടില്ല; പ്രചരിക്കുന്നത് വ്യാജ സന്ദേശം
കോഴിക്കോട്: പോപുലര്‍ ഫ്രണ്ട് ഓഫ് ഇന്ത്യ ദേശീയ സംസ്ഥാന നേതാക്കളെ എന്‍ഐഎ അന്യായമായി അറസ്റ്റ് ചെയ്തതിനെതിരേ സംസ്ഥാനത്ത് പ്രഖ്യാപിച്ച ഹര്‍ത്താല്‍ പിന്‍വലിച്ചുവെന്ന് വ്യാജവാര്‍ത്ത. സാമൂഹികമാധ്യമങ്ങളില്‍ വ്യാജ അക്കൗണ്ടുകളിലൂടെയാണ് പ്രധാനമായും സന്ദേശം പ്രചരിക്കുന്നത്.
ഭാരത് ജോഡോ യാത്ര നടക്കുന്നതിനാല്‍ യുഡിഎഫ് നേതാക്കളുമായുണ്ടാക്കിയ ചര്‍ച്ചക്കുശേഷം ഹര്‍ത്താല്‍ പിന്‍വലിച്ചുവെന്നാണ് സന്ദേശത്തില്‍ പറയുന്നത്.
കേന്ദ്ര ഏജന്‍സികളെ ഉപയോഗിച്ച് എതിര്‍ശബ്ദങ്ങളെ നിശ്ശബ്ദമാക്കാനുള്ള ആര്‍എസ്എസ് നിയന്ത്രിത ഫാഷിസ്റ്റ് സര്‍ക്കാരിന്റെ ഭരണകൂട വേട്ടക്കെതിരെയാണ് സംസ്ഥാനത്ത് ഹര്‍ത്താല്‍ പ്രഖ്യാപിച്ചത്. രാവിലെ ആറു മുതല്‍ വൈകീട്ട് ആറുവരെയാണ് ഹര്‍ത്താല്‍.
വ്യാജവാര്‍ത്തകളെ തള്ളിക്കളയണമെന്നും പൗരാവകാശങ്ങളെ ചവിട്ടിമെതിച്ച് തേര്‍വാഴ്ച നടത്തുന്ന ഫാഷിസ്റ്റ് ഭരണകൂടത്തിനെതിരായ ഹര്‍ത്താലിനെ വിജയിപ്പിക്കാന്‍ എല്ലാ ജനാധിപത്യ വിശ്വാസികളും രംഗത്തുവരണമെന്നും സംസ്ഥാന കമ്മിറ്റിക്കുവേണ്ടി മേഡിയാ കോര്‍ഡിനേറ്റര്‍ അറിയിച്ചു.