ചാവക്കാട്: പോപുലര്‍ ഫ്രണ്ട് ഓഫ് ഇന്ത്യ റെസ്‌ക്യൂ ആന്റ് റിലീഫ് ടീമിന്റെ ജില്ലാതല ഉദ്ഘാടനം ചാവക്കാട് നടന്നു. പോപുലര്‍ ഫ്രണ്ട് സംസ്ഥാന സമിതി അംഗം യഹിയ കോയ തങ്ങള്‍ ഉദ്ഘാടനം നിര്‍വഹിച്ചു. ജില്ലാ പ്രസിഡന്റ് ഫാമിസ് അബൂബക്കര്‍ അധ്യക്ഷത വഹിച്ചു. മലേഷ്യയില്‍ നടന്ന ഏഷ്യന്‍ പഞ്ചഗുസ്തി മത്സരത്തില്‍ വെള്ളിയും വെങ്കലവും നേടി രാജ്യത്തിന് അഭിമാനമായ എ യു ഷാജു, ഷെറീന ഷാജു ദമ്പതികളെ പരിപാടിയില്‍ ആദരിച്ചു.
എസ്ഡിപിഐ സംസ്ഥാന ജനറല്‍ സെക്രട്ടറി പി കെ ഉസ്മാന്‍, പോപുലര്‍ ഫ്രണ്ട് ജില്ലാ സെക്രട്ടറിമാരായ കെ എച്ച് ഷാജഹാന്‍, ഐ ബി സിദ്ദീഖുല്‍ അക്ബര്‍, റെസ്‌ക്യൂ ആന്‍ഡ് റിലീഫ് ജില്ലാ ഇന്‍ ചാര്‍ജ് സി എം ഷാഹുല്‍ഹമീദ്, എന്‍ എ ഷറഫുദ്ദീന്‍, മുനീര്‍ അമ്പലത്ത് എന്നിവര്‍ സംസാരിച്ചു.