പ്രതിപക്ഷം ജയ്ഭീം വിളിച്ചത് പാലാരിവട്ടം ബീം ഉദ്ദേശിച്ച് ആണോ എന്ന് മുരളി പെരുനെല്ലി; അംബേദ്കറെ അപമാനിച്ചെന്ന് പ്രതിപക്ഷം

തിരുവനന്തപുരം: മുരളി പെരുനെല്ലി എംഎല്‍എ അംബേദ്കറെ അപമാനിച്ചെന്നാരോപിച്ച് പ്രതിപക്ഷം സഭയില്‍ പ്രതിഷേധിച്ചു. ജയ് ഭീം എന്നത് കൊണ്ട് പാലാരിവട്ടം പാലത്തിന്റെ ബീം ആണോ പ്രതിപക്ഷം ഉദ്ദേശിച്ചത് എന്നായിരുന്നു മുരളിയുടെ ആക്ഷേപം. അതേസമയം, അംബേദ്കറെ അപമാനിച്ച മുരളി മാപ്പുപറയണമെന്നാവശ്യപ്പെട്ടു പ്രതിപക്ഷം സഭയില്‍ പ്രതിഷേധിച്ചു. പ്രതിപക്ഷ പ്രതിഷേധം കനത്തതോടെ വിഷയം പരിശോധിക്കാമെന്ന് സ്പീക്കര്‍ ഉറപ്പു നല്‍കി. ഇതോടെയാണ് പ്രതിപക്ഷം പ്രതിഷേധം അവസാനിച്ചത്.

അതിനിടെ, അംബേദ്കറെ അപമാനിച്ചിട്ടില്ലെന്ന് മുരളി പെരുനെല്ലി പറഞ്ഞു.