അരീക്കോട്: സ്റ്റുഡന്റ് പോലിസ് കേഡറ്റ് പദ്ധതിയുടെ 7ാമത് ബാച്ചിന്റെ പാസിംഗ് ഔട്ട് പരേഡ് കീഴുപറമ്പ വൊക്കേഷണല്‍ ഹയര്‍ സെക്കണ്ടറി സ്‌ക്കൂള്‍ ഗ്രൗണ്ടില്‍ നടന്നു. അരീക്കോട് എസ്എച്ച്ഒ ലൈജു മോന്‍ സല്യൂട്ട് സ്വീകരിച്ചു.
പൗരബോധവും ലക്ഷ്യബോധവും കാര്യശേഷിയും സേവന സന്നദ്ധതയും സാമൂഹിക പ്രതിബദ്ധതയുമുള്ള ഒരു യുവ തലമുറയെ വാര്‍ത്തെടുക്കുക എന്ന ലക്ഷ്യമാണ് സ്റ്റുഡന്റ് പോലിസ് കേഡറ്റ് പദ്ധതിയിലൂടെ ലക്ഷ്യമിടുന്നത്.
പ്രധാനധ്യാപിക ശ്രീകല ടീച്ചര്‍, പിടിഎ പ്രസിഡന്റ് എം ഇ ഫസല്‍ എന്നിവര്‍ പരേഡിന് അഭിവാദ്യം അര്‍പ്പിച്ചു. ഡ്രില്‍ ഇന്‍സ്ട്രക്ടര്‍ മുഹമ്മദ് ബഷീര്‍ പ്രതിജ്ഞ ചൊല്ലി കൊടുത്തു. എസ്എംസി ചെയര്‍മാന്‍ മുഹമ്മദ് എം എം, പിടിഎ പ്രസിഡന്റ്, പ്രധാനധ്യാപിക ശ്രീകല കമാന്റര്‍ മാര്‍ക്കുള്ള സമ്മാനദാനം നിര്‍വ്വഹിച്ചു. സിപിഒ സൈറബാനു, സിപിഒ അനില തുടങ്ങിയവര്‍ ചടങ്ങിന് നേതൃത്വം നല്‍കി.