'ബാല കൗമാര സംഗമങ്ങള്‍' സംസ്ഥാനതല ഉദ്ഘാടനം ഒക്ടോബര്‍ 30ന് പരപ്പനങ്ങാടിയില്‍
മലപ്പുറം: കേരള സുന്നീ ജമാഅത്ത് സംസ്ഥാന കമ്മിറ്റി നടത്തുന്ന മീലാദ് ക്യാംപെയ്‌നിന്റെ ഭാഗമായി 'ബാല്യത്തിന്റെ മൂല്യം' എന്ന പ്രമേയത്തില്‍ ബാല, കൗമാര സംഗമങ്ങള്‍ നടത്താന്‍ തീരുമാനിച്ചു.
ബാല്യകാലമാണ് മനുഷ്യസ്വഭാവം രൂപീകരിക്കപ്പെടുന്ന സുപ്രധാന പ്രായമെന്നും കല്ലില്‍ കൊത്തിയ പോലെ കുഞ്ഞിന്റെ ഹൃദയത്തിലേക്ക് കാര്യങ്ങള്‍ പകര്‍ത്തപ്പെടുന്ന ഈ പ്രായത്തില്‍ മാതൃകാ യോഗ്യമായ ഉത്തമസ്വഭാവങ്ങളാണ് അവര്‍ക്കു മുന്നില്‍ അവതരിപ്പിക്കേണ്ടതെന്നുമുള്ള സന്ദേശമാണ് ഈ പ്രമേയത്തിലൂടെ സുന്നി ജമാഅത്ത് നല്‍കുന്നത്. സംസ്ഥാനതല ഉദ്ഘാടനം 30ന് ശനിയാഴച്ച പരപ്പനങ്ങാടില്‍ നടക്കുമെന്ന് കണ്‍വീനര്‍ മരുത അബ്ദുല്‍ ലത്തീഫ് മൗലവി അറിയിച്ചു.