ഞായറാഴ്ച സമ്പൂര്‍ണ ലോക്ഡൗണ്‍; സംസ്ഥാനത്ത് ട്രിപിള്‍ ലോക്ഡൗണിന് സമാനമായ നിയന്ത്രണള്‍
തിരുവനന്തപുരം: സംസ്ഥാനത്ത് ഞായറാഴ്ച സമ്പൂര്‍ണ ലോക്ഡൗണായിരിക്കും. ട്രിപിള്‍ ലോക്ഡൗണിന് സമാനമായ നിയന്ത്രണങ്ങളുണ്ടാണ് ഞായറാഴ്ച ഉണ്ടാവുക. കൊവിഡ് വ്യാപനം വര്‍ധിച്ച പശ്ചാത്തലത്തിലാണ് സര്‍ക്കാര്‍ നിയന്ത്രണങ്ങള്‍ കടുപ്പിച്ചത്. അവശ്യസാധനങ്ങള്‍ വില്‍ക്കുന്ന കടകള്‍ മാത്രമെ തുറക്കാവൂ. ഏറ്റവും അത്യാവശ്യമുള്ള യാത്രകള്‍ക്ക് അനുമതിയുണ്ടാകും. ദീര്‍ഘദൂര യാത്രകള്‍ ഒഴിവാക്കണം.
ജനങ്ങള്‍ക്ക് നിയന്ത്രമില്ലാതെ സ്വാതന്ത്ര്യത്തോടെ സഞ്ചരിക്കാം എന്ന ചിന്തവ്യാപമായിരിക്കുകയാണ്. ഈ സാഹചര്യത്തില്‍ ജാഗ്രത കൈവിടരുത് എന്ന സന്ദേശം നല്‍കാനാണ് ഞായറാഴ്ച ലോക് ഡൗണ്‍ പ്രഖ്യാപിക്കുന്നത്. നാളെ കൊവിഡ് അവലോകന യോഗം നിശ്ചയിച്ചിട്ടുണ്ടെങ്കിലും ജനങ്ങള്‍ക്ക് മുന്‍കൂട്ടി വിവരം നല്‍കാനാണ് ഇന്ന് തന്നെ ലോക് ഡൗണ്‍ നിര്‍ദ്ദേശം പുറപ്പെടുവിക്കുന്നത്.