പയ്യോളി: ഇരിങ്ങല്‍ സര്‍ഗാലയക്ക് സമീപം വലിയ കടവത്ത് ഭാഗത്ത് തെരുവ് നായയുടെ ആക്രമണത്തില്‍ നാട്ടുകാര്‍ക്ക് പരിക്ക്. ഒരു വിദ്യാര്‍ത്ഥിയടക്കം മൂന്നു പേര്‍ക്കാണ് കടിയേറ്റത്. കെ ടി രാജന്‍, അഭിനന്ദ്, വിദ്യാര്‍ത്ഥിയായ ആദി കിഷന്‍ എന്നിവരെ വടകര ജില്ലാ ആശുപത്രിയില്‍ പ്രവേശിപ്പിച്ചു.
രാവിലെ ഒന്‍പതരയോടെ 3 പേരേയും ആക്രമിച്ച നായ ആളുകളുടെ പിന്നാലെ ഓടിയത് പ്രദേശത്ത് പരിഭ്രാന്തി പരത്തി. നായയെ നാട്ടുകാര്‍ തല്ലി കൊന്നു. നായയ്ക്ക് പേവിഷബാധയുണ്ടെയന്ന് വ്യക്തമല്ല.