തിരൂര്‍ നിയോജക മണ്ഡലം എസ്ഡിപിഐ സ്ഥാനാര്‍ത്ഥി അഷ്‌റഫ് പുത്തനത്താണി റോഡ് ഷോ നടത്തി
തിരൂര്‍: തിരൂര്‍ നിയോജക മണ്ഡലം എസ്ഡിപിഐ സ്ഥാനാര്‍ത്ഥി അഷ്‌റഫ് പുത്തനത്താണി നൂറു കണക്കിന് വാഹനങ്ങളുടെ അകമ്പടിയോടെ റോഡ് ഷോ നടത്തി.
പട്ടര്‍നടക്കാവ് ചേരൂരാലില്‍ നിന്നും മൂന്ന് മണിക്ക് ആരംഭിച്ച റോഡ് ഷോ മേടിപ്പാറ, തുവ്വക്കാട്, ഏഴൂര്‍, പയ്യനങ്ങാടി വഴി വന്ന് അഞ്ച് മണിയോടെ തിരൂര്‍ സെന്‍ട്രല്‍ ജംങ്ഷനില്‍ എത്തി. അവിടെ നിന്ന് താഴെപ്പാലം, പൂങ്ങോട്ടുകുളം, പച്ചാട്ടിരി, പറവണ്ണ, ആജ അങ്ങാടി, കാരത്തൂര്‍, തിരുനാവായ, പട്ടര്‍നടക്കാവ്, കുട്ടികളത്താണി, കല്ലിങ്ങല്‍, കടുങ്ങാത്തുകുണ്ട്, കുറുകത്താണി, രണ്ടത്താണി, പുത്തനത്താണി, ചുങ്കം, പള്ളിപ്പാറ, കുട്ടികളത്താണി എന്നിവിടങ്ങളില്‍ പര്യടനം നടത്തി 8 മണിയോട് കൂടി പുത്തനത്താണിയില്‍ സമാപിച്ചു.
മണ്ഡലം തിരഞ്ഞെടുപ്പ് ചെയര്‍മാന്‍ ശംസു വെട്ടിച്ചിറ കണ്‍വീനര്‍ സി പി മുഹമ്മദലി, കുഞ്ഞര്‍മ്മുട്ടിഹാജി, ആതവനാട് പഞ്ചായത്ത് മെമ്പര്‍ സക്കരിയ എന്നിവര്‍ സ്ഥാനാര്‍ത്ഥിയെ അനുഗമിച്ചു.