മുഴപ്പിലങ്ങാട്: എടക്കാട്ട് ദേശീയപാതയില്‍ ട്രക്കിന് പിന്നില്‍ ഇടിച്ച്സ്‌കൂട്ടര്‍ യാത്രികന്‍ മരിച്ചു. മുഴുപ്പിലങ്ങാട് മുല്ലപ്പുറം ജുമാഅത്ത് പള്ളിക്ക് സമീപം ദാറുല്‍ ഇഷ്ഖില്‍ കെ ഗഫൂറാണ് മരിച്ചത്.
രാവിലെയായിരുന്നു അപകടം. മുഴപ്പിലങ്ങാട്ട് നിന്ന് കണ്ണൂരിലെ ജോലി സ്ഥലത്തേക്ക് സ്‌കൂട്ടറില്‍ പോവുകയായിരുന്ന ഗഫൂര്‍ അതേ ദിശയിലേക്ക് പോവുകയായിരുന്ന ട്രക്കിന് പിന്നില്‍ ഇടിക്കുകയായിരുന്നു.
പുലര്‍ച്ചെ എടക്കാട് സഫ പള്ളിയിലെത്തിയവരായിരുന്നു റോഡില്‍ അപകടത്തില്‍പ്പട്ട് കിടക്കുന്ന ഗഫൂറിനെ കണ്ടത്. ആശുപത്രിയിലെത്തിക്കുന്നതിനു മുമ്പെ മരണം സംഭവിച്ചു. മൃതദേഹം തലശ്ശേരി ജനറല്‍ ആശുപത്രിയിലേക്ക് മാറ്റി. എടക്കാട് പോലിസ് കേസെടുത്തു.