കളമശ്ശേരി: മഞ്ഞുമ്മല്‍ ചക്യാടം കടവില്‍ കുളിക്കാനിറങ്ങിയ രണ്ട് യുവാക്കള്‍ മുങ്ങി മരിച്ചു. ഇടുക്കി നെടുങ്കണ്ടം പുഷ്പകണ്ടം സ്വദേശികളായ ബിപിന്‍ (26), അഭിജിത്ത് (23) എന്നിവരാണ് മരിച്ചത്. ഇന്ന് വൈകിട്ട് അഞ്ചരയോടെയാണ് സംഭവം. ആറംഗ സംഘമാണ് പുഴയില്‍ കുളിക്കാനിറങ്ങിയത്. ഇതില്‍ അഭിജിത്ത് മുങ്ങി താഴുന്നത് കണ്ട നീന്തല്‍ വശമുള്ള ബിപിന്‍ രക്ഷപ്പെടുത്താന്‍ ശ്രമിക്കുന്നതിനിടെ ഇരുവരും താഴ്ന്നു പോയി. ഏലൂരില്‍ നിന്ന് അഗ്‌നിരക്ഷാസേന എത്തിയാണ് കടവിന് സമീപത്ത് നിന്ന് രണ്ട് പേരെയും മുങ്ങിയെടുത്തത്. ഉടനെ മഞ്ഞുമ്മലിലെ സ്വകാര്യ ആശുപത്രിയില്‍ എത്തിച്ചെങ്കിലും രക്ഷിക്കാനായില്ല.
