വിരമിച്ചവര്‍ക്ക് ആനുകൂല്യം നല്‍കാന്‍ രണ്ടുവര്‍ഷത്തെ സാവകാശം വേണം; കെഎസ്ആര്‍ടിസി ഹൈക്കോടതിയില്‍
കൊച്ചി: വിരമിച്ച ജീവനക്കാര്‍ക്ക് ആനുകൂല്യം നല്‍കാന്‍ രണ്ടുവര്‍ഷത്തെ സാവകാശം വേണമെന്ന് കെഎസ്ആര്‍ടിസി. ആനുകൂല്യം വിതരണം ചെയ്യാന്‍ വേണ്ടത് 83.1 കോടി രൂപയാണ്. നിലവില്‍ ഈ തുക ഒന്നിച്ചുനല്‍കാന്‍ കെഎസ്ആര്‍ടിസിക്ക് ശേഷിയില്ല.
ഘട്ടം ഘട്ടമായി മാത്രമേ വിരമിച്ചവര്‍ക്കുള്ള ആനുകൂല്യങ്ങള്‍ നല്‍കാനാകൂവെന്ന് മാനേജ്‌മെന്റ് കോടതിയെ അറിയിച്ചു. പ്രതിമാസം 3.46 കോടി രൂപ വീതം കൊടുത്തു തീര്‍ക്കാനാണ് തീരുമാനം. മുന്‍ഗണനാക്രമത്തിലായിരിക്കും ആനുകൂല്യങ്ങള്‍ വിതരണം ചെയ്യുകയെന്നും കെഎസ്ആര്‍ടിസി മാനേജ്‌മെന്റ് കോടതിയില്‍ വ്യക്തമാക്കി.