ന്യൂയോര്‍ക്ക്: യു എസ് ഓപ്പണ്‍ വനിതാ സിംഗിള്‍സില്‍ അട്ടിമറി തുടരുന്നു. ഓസ്‌ട്രേലിയന്‍ ഓപ്പണ്‍ ചാംപ്യന്‍സ് രണ്ടാം സീഡ് സോഫിയാ കെനിന്‍ ഇന്ന് പുറത്തായി. പ്രീക്വാര്‍ട്ടറില്‍ ബെല്‍ജിയത്തിന്റെ എല്‍സി മെര്‍ട്ടന്‍സാണ് കെനിനെ പുറത്താക്കിയത്. 16ാം സീഡ് മെര്‍ട്ടിന്‍സ് 6-3, 6-3 എന്ന സ്‌കോറിനാണ് കെനിനെ വീഴ്ത്തിയത്. മെര്‍ട്ടന്‍സ് ക്വാര്‍ട്ടറില്‍ നേരിടുന്നത്് മുന്‍ ലോക ഒന്നാം നമ്പര്‍ വിക്ടോറിയാ അസരങ്കയെയാണ്. സെറീനാ വില്ല്യംസ്, പിരങ്കോവ എന്നിവരും അവസാന എട്ടില്‍ ഇടം നേടി.
പുരുഷ ഡബിള്‍സില്‍ ഇന്ത്യന്‍ പ്രതീക്ഷയായ രോഹന്‍ ബൊപ്പണാ-ഡെന്നിസ് ഷപോവലോവ് സഖ്യം തോറ്റു. ഇന്ത്യന്‍ -കനേഡിയന്‍ സഖ്യത്തെ 7-5, 7-5 സ്‌കോറിന് തോല്‍പ്പിച്ചത് ജൂലിയന്‍ റോജര്‍, ഹോറിയാ ടിക്കോ സഖ്യമാണ്.