മാള; വനമിത്ര പുരസ്‌കാര ജേതാവ് വി കെ ശ്രീധരനെ ക്രിയേറ്റീവ് അസ്മാബിയന്‍സ് ആദരിച്ചു. എംഇഎസ് അസ്മാബി കോളേജിലെ
പൂര്‍വ വിദ്യാര്‍ത്ഥിയും ക്രിയേറ്റീവ് അസ്മാബിയന്‍സ് വാട്ട്‌സ്ആപ് കൂട്ടായ്മയിലെ അംഗവുമായ വി കെ ശ്രീധരന്റെ വീട്ടിലെത്തിയാണ് ഇ ടി ടൈസണ്‍ മാസ്റ്റര്‍ എംഎല്‍എ കൂടി ഉള്‍പ്പെട്ട സുഹൃത്തുക്കള്‍ അദ്ദേഹത്തെ ആദരിച്ചത്.
ചടങ്ങില്‍ ക്രിയേറ്റീവ് അസ്മാബിയന്‍സ് ഗ്രൂപ്പ് കണ്‍വീനര്‍ നവാസ് തരുപീടികയില്‍ അദ്ധ്യക്ഷത വഹിച്ചു.
അനുമോദന സമ്മേളനത്തിന്റെ ഉദ്ഘാടനം, ഉപഹാരസമര്‍പ്പണം, ക്രിയേറ്റീവ് അസ്മാബിയന്‍സ് നിര്‍മിക്കുന്ന വി കെ ശ്രീധരനെക്കുറിച്ചുള്ള
ഡോക്യുമെന്ററിയുടെ പ്രകാശനം എന്നിവ ഇ ടി ടൈസണ്‍ മാസ്റ്റര്‍ എംഎല്‍എ നിര്‍വ്വഹിച്ചു. സിറാജുദ്ദീന്‍, റാഫി പള്ളിപ്പറമ്പില്‍, വി കെ ശ്രീധരന്‍ തുടങ്ങിയവര്‍ സംസാരിച്ചു. ജാസ്മിന്‍ കാവ്യ സ്വാഗതവും സതീദേവി നന്ദിയും പറഞ്ഞു.