കല്‍പ്പറ്റ: കേരള മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുള്ള മത്സ്യതൊഴിലാളികള്‍ക്കും അനുബന്ധത്തൊഴിലാളികള്‍ക്കും സംസ്ഥാന സര്‍ക്കാര്‍ അനുവദിച്ചിട്ടുള്ള പ്രത്യേക കൊവിഡ് ധനസഹായമായ ആയിരം രൂപ ഇനിയും ലഭിക്കാത്ത ഗുണഭോക്താക്കള്‍ സപ്തംബര്‍ 25 നകം ബന്ധപ്പെട്ട മത്സ്യഭവന്‍ ഓഫിസില്‍ ഹാജരായി ഫിംസ് സോഫ്റ്റ്വെയറില് പേര് ഉള്‍പ്പെടുത്തേണ്ടതാണ്.
ഓരോ ഗുണഭോക്താക്കള്‍ക്കും സ്വന്തമായി ബാങ്ക് അക്കൗണ്ട് ഉണ്ടായിരിക്കേണ്ടതും ബാങ്ക് ലയനംമൂലം മാറ്റം വന്നിട്ടുള്ള ബാങ്ക് അക്കൗണ്ട്, ഐ.എഫ്.എസ്. കോഡ് വിശദാംശങ്ങള്‍ സോഫ്റ്റ്വെയറില് അപ്‌ഡേറ്റ് ചെയ്യുന്നതിന് ഗുണഭോക്താക്കള്‍ നടപടി സ്വീകരിക്കേണ്ടതുമാണ്. ധനസഹായം ലഭിച്ച ഗുണഭോക്താക്കള്‍ മത്സ്യഭവന്‍ ഓഫിസില്‍ ഹാജരാകേണ്ടതില്ലെന്ന് റീജ്യണല്‍ എക്‌സിക്യൂട്ടീവ് അറിയിച്ചു.