കേന്ദ്ര സര്‍ക്കാരിന്റെ ജനദ്രോഹ നയങ്ങള്‍ക്കെതിരേ തൊഴിലാളികളുടെ സംയുക്തപ്രതിഷേധം
മാള: കേന്ദ്ര സര്‍ക്കാരിന്റെ ജനദ്രോഹ തൊഴിലാളി വിരുദ്ധ നയങ്ങള്‍ക്കെതിരെ തൊഴിലാളി യൂണിയനുകള്‍ പ്രതിഷേധ സമരം നടത്തി. സിഐടിയു ഏരിയാ സെക്രട്ടറി സി ആര്‍ പുരുഷോത്തമന്‍ സമരം ഉദ്ഘാടനം ചെയ്തു. മാള പോസ്റ്റ് ഓഫീസിനു മുന്നില്‍ നടന്ന ധര്‍ണ്ണയില്‍ ഐഎന്‍ടിയുസി നേതാവ് ദിലീപ് പരമേശ്വരന്‍ അദ്ധ്യക്ഷത വഹിച്ചു.
വിനോദ് വിതയത്തില്‍, ജോഷി പെരേപാടന്‍, സിഐടിയു നേതാക്കളായ വിശ്വംഭരന്‍, ബൈജു, ഉണ്ണി തുടങ്ങിയവര്‍ സംസാരിച്ചു. മാള ടൗണില്‍ നടന്ന ധര്‍ണ്ണ ഐഎന്‍ടിയുസി നേതാവ് സോയി കോലംഞ്ചേരി ഉദ്ഘാടനം ചെയ്തു. സിഐടിയു നേതാവ് എന്‍ ജി ലോഹിതാക്ഷന്‍ അദ്ധ്യക്ഷത വഹിച്ചു. വിത്സന്‍ കാഞ്ഞൂത്തറ, ബഷീര്‍, ഉണ്ണികൃഷ്ണന്‍, സന്തോഷ്, സമദ് ചൊവ്വര തുടങ്ങിയവര്‍ സംസാരിച്ചു.