നാട്ടിലേക്ക് പോകുന്ന യൂസഫിന് ഹായിൽ ബ്ലോക്ക് കമ്മിറ്റി വൈസ് പ്രസിഡന്റ് അർഷാദ് കല്ലറ രേഖകൾ കൈമാറുന്നു
ഹായില്‍:തൊഴില്‍ രേഖകളിലെ പ്രശ്‌നങ്ങള്‍ മൂലം ആറുവര്‍ഷമായി സൗദി അറേബ്യയിലെ ഹായിലില്‍ അകപ്പെട്ടുപോയ കൊല്ലം കടയ്ക്കല്‍ സ്വദേശി യൂസഫ് ഇന്ത്യന്‍ സോഷ്യല്‍ ഫോറം ഹായില്‍ പ്രവര്‍ത്തകരുടെ ഇടപെടലില്‍ നാട്ടിലേക്ക് മടങ്ങുന്നു.യാത്രാ രേഖകള്‍ ഇന്ത്യന്‍ എംബസിയില്‍ നിന്നും, ജവാസാത്തില്‍ നിന്നും തയ്യാറാക്കി നാട്ടില്‍ പോകാനുള്ള നടപടികള്‍ പൂര്‍ത്തിയാക്കി.
ഹായില്‍ ബ്ലോക്ക് കമ്മിറ്റി വൈസ് പ്രസിഡന്റ് അര്‍ഷാദ് കല്ലറ അദ്ദേഹത്തിനുള്ള രേഖകള്‍ കൈമാറി.തന്നെ നാട്ടിലേക്ക് തിരിച്ചു പോകുന്നതിന് സഹായിച്ച ഇന്ത്യന്‍ സോഷ്യല്‍ ഫോറത്തിന് യൂസഫ് നന്ദി രേഖപ്പെടുത്തി.