കോട്ടയത്ത് 70 പേര്‍ക്കു കൂടി കൊവിഡ് സ്ഥിരീകരിച്ചു
നിലവില്‍ കോട്ടയം ജില്ലയില്‍ 587 പേരാണ് ചികിത്സയിലുള്ളത്.
കോട്ടയം: ജില്ലയില്‍ 70 പേര്‍ക്കു കൂടി കൊവിഡ് സ്ഥിരീകരിച്ചു. എല്ലാവര്‍ക്കും സമ്പര്‍ക്കം മുഖേനയാണ് രോഗം ബാധിച്ചത്. ഏറ്റുമാനൂര്‍, അതിരമ്പുഴ, മേഖലകളില്‍നിന്നുള്ളവരാണ് രോഗബാധിതരില്‍ ഏറെപ്പേരും. തിരുവനന്തപുരം മെഡിക്കല്‍ കോളേജ് ആശുപത്രിയില്‍ ചികിത്സയിലായിരുന്ന ഒരാള്‍ ഉള്‍പ്പെടെ 40 പേര്‍ രോഗമുക്തരായി ആശുപത്രി വിട്ടു.
നിലവില്‍ കോട്ടയം ജില്ലയില്‍ 587 പേരാണ് ചികിത്സയിലുള്ളത്. ജില്ലയില്‍ ഇതുവരെ ആകെ 1311 പേര്‍ക്ക് പേര്‍ക്ക് രോഗം ബാധിച്ചു.723 പേര്‍ രോഗമുക്തരായി. രോഗം സ്ഥിരീകരിച്ച 70 പേരില്‍ ആറു പേര്‍ സംസ്ഥാനത്തിന് പുറത്തുനിന്ന് വന്നവരാണെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.