കമ്പളക്കാട് വെടിവെപ്പ്: കുറ്റവാളികളെ പിടി കൂടണം; എസ്ഡിപിഐ പ്രതിഷേധ സംഗമം നടത്തി
വണ്ടിയാമ്പറ്റയിലെ ദുരൂഹ വെടിവയ്പിൽ ഒരാൾ കൊല്ലപ്പെട്ടതും മറ്റൊരാൾക്ക് പരിക്കേറ്റതും ആദിവാസി ഊരുകൾ കേന്ദ്രീകരിച്ചു നടക്കുന്ന ആയുധ പരിശീലനത്തിലേക്കാണ് വിരൽ ചൂണ്ടുന്നത്
കല്‍പറ്റ: കമ്പളക്കാട് വണ്ടിയാമ്പറ്റ വെടിവയ്പ്പിൽ തോക്കിന്റെ ഉറവിടം കണ്ടത്തുക,ഉത്തരവാദികളെ അറസ്റ്റ് ചെയ്യണമെന്നാവശ്യപ്പെട്ട് എസ്ഡിപിഐ വയനാട് ജില്ലാ കമ്മിറ്റിയുടെ നേതൃത്വത്തിൽ പ്രതിഷേധ സംഗമം നടത്തി.
വണ്ടിയാമ്പറ്റയിലെ ദുരൂഹ വെടിവയ്പിൽ ഒരാൾ കൊല്ലപ്പെട്ടതും മറ്റൊരാൾക്ക് പരിക്കേറ്റതും ആദിവാസി ഊരുകൾ കേന്ദ്രീകരിച്ചു നടക്കുന്ന ആയുധ പരിശീലനത്തിലേക്കാണ് വിരൽ ചൂണ്ടുന്നതെന്നും ഇത് വയനാടിന്റെ സ്വൈര്യ ജീവിതത്തിന് തടസ്സം സൃഷ്ട്ടിക്കുമെന്നും പാർട്ടി വയനാട് ജില്ലാ ട്രഷറർ പി ആർ കൃഷ്ണൻകുട്ടി ഉദ്ഘാടന പ്രസംഗത്തിൽ ചൂണ്ടിക്കാട്ടി. ജില്ലാ വൈസ് പ്രസിഡന്റ് ടി നാസർ മുഖ്യപ്രഭാഷണം നടത്തി. പാർട്ടി ജില്ലാ കമ്മിറ്റി അംഗം എൻ ഹംസ,കണിയാമ്പറ്റ പഞ്ചായത്ത് പ്രസിഡന്റ് അഷ്‌കർ മില്ലുമുക്ക്, ഷബീർ, മുഹമ്മദലി തുടങ്ങിയവർ നേതൃത്വം നൽകി.