ഇടുക്കി: വിനോദയാത്ര പോയ വിദ്യാര്‍ത്ഥി ഇടുക്കി ആനക്കുളത്ത് വലിയാര്‍കട്ടി പുഴയില്‍ മുങ്ങി മരിച്ചു.കീഴൂര്‍ മടക്കത്തടത്തില്‍ ഷാജിയുടെ മകന്‍ ജിഷ്ണു(22) ആണ് മരിച്ചത്. തലയോലപ്പറമ്പ് കീഴൂര്‍ ഡിബി കോളജില്‍ നിന്ന് വിനോദയാത്രയ്ക്ക് എത്തിയ സംഘത്തിലെ വിദ്യാര്‍ഥിയാണ് ജിഷ്ണു. എംഎ ജേര്‍ണലിസം രണ്ടാം വര്‍ഷ വിദ്യാര്‍ഥിയാണ് ജിഷ്ണു.
ബുധനാഴ്ച ഉച്ചക്ക് 2.30 ഓടെ ആണ് സംഭവം.പതിനാറ് വിദ്യാര്‍ഥികളും രണ്ട് അധ്യാപകരും അടങ്ങുന്ന സംഘമാണ് വിനോദ യാത്രയ്ക്ക് ഉണ്ടായിരുന്നത്.ട്രക്കിംഗിനിടെ ജിഷ്ണു കാല്‍ വഴുതി പുഴയില്‍ വീഴുകയായിരുന്നു. ഒപ്പമുണ്ടായിരുന്ന അധ്യാപകരും വിദ്യാര്‍ഥികളും പുഴയില്‍ നിന്ന് ജിഷ്ണുവിനെ കരയ്‌ക്കെടുത്തെങ്കിലും മരണം സംഭവിച്ചിരുന്നു.