വായന പക്ഷാചരണത്തിന്റെ ഭാഗമായി മാള ഗവ. എൽപി സ്കൂളിലെ വിദ്യാർഥികള്‍ ഗ്രന്ഥശാല സന്ദർശിച്ചു

മാള: വായന പക്ഷാചരണത്തിന്റെ ഭാഗമായി മാള ഗവ. എൽ പി സ്കൂളിലെ വിദ്യാർഥികളും അധ്യാപകരും പ്രധാനധ്യാപിക ഗ്രേസിയുടെ നേതൃത്വത്തിൽ മാള ഗ്രാമപഞ്ചായത്ത് ഗ്രന്ഥശാല സന്ദർശിച്ചു.

ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ നബീസത്ത് ജലീൽ സ്വാഗതം പറഞ്ഞു. ഗ്രന്ഥശാല സന്ദർശനത്തെ തുടർന്ന് ഗ്രാമപഞ്ചായത്ത് ഓഫീസ് സന്ദർശനം, ഗ്രാമപഞ്ചായത്തിനെപ്പറ്റിയുള്ള ബോധവത്കരണ ക്ലാസ്സ്, കുട്ടികളുടെ കലാപരിപാടികൾ എന്നിവ നടന്നു. വായന ചലഞ്ചിന്റെ ഭാഗമായി മാള ഗ്രാമ പഞ്ചായത്ത് പ്രസിഡന്റ് സിന്ധു അശോക് കുട്ടികൾക്ക് പുസ്തകങ്ങൾ നൽകി. ഗ്രാമപഞ്ചായത്ത് ഭരണസമിതി അംഗങ്ങൾ, ജീവനക്കാർ, ലൈബ്രേറിയൻ തുടങ്ങിയവർ പങ്കെടുത്തു.