കഞ്ചാവ് കൈവശം വെച്ചതിന് രണ്ട് പേരെ അറസ്റ്റ് ചെയ്തു

മാള: കഞ്ചാവുമായി രണ്ട് യുവാക്കളെ എക്സൈസ് സംഘം അറസ്റ്റ് ചെയ്തു. എക്സൈസ് ഇൻസ്പെക്ടർ ബിജു ദാസും സംഘവും ചേർന്നാണ് ചാലക്കുടി കൊരട്ടിയിൽ വച്ച് 18 ​ഗ്രാം കഞ്ചാവുമായി ഒരാളെ അറസ്റ്റ് ചെയ്തത്. ചാലക്കുടി പാലമുറിയിലെ തെക്കുടൻ വീട്ടിൽ രെജിനെയാണ് (21) കൊരട്ടിയിൽ വച്ച് അറസ്റ്റ് ചെയ്തത്.

മറ്റൊരു കേസില്‍ കൊരട്ടിയിൽ നിന്ന് തന്നെ 13 ഗ്രാം കഞ്ചാവ് കൈവശം വെച്ച് കടത്തികൊണ്ടു വന്ന കുറ്റത്തിന് കിഴക്കുംമുറി വില്ലേജിൽ നാലുകെട്ട് ദേശത്ത് കിഴക്കേവീട്ടിൽ രാഹുൽ (22) നെ ഇതേസംഘം അറസ്റ്റ് ചെയ്ത് എന്‍ഡിപിഎസ് ക്രൈം 17/2022 നമ്പരായി കേസ് രജിസ്റ്റർ ചെയ്തു.