ഭുവനേശ്വര്‍: ഒഡീഷയിലെ കോരാപുത് ജില്ലയിലുണ്ടായ ഏറ്റുമുട്ടലില്‍ അഞ്ചു മാവോവാദികള്‍ കൊല്ലപ്പെട്ടതായി സുരക്ഷാ സേന അറിയിച്ചു.
പടുവ പോലിസ് സറ്റേഷന്‍ പരിധിയില്‍ ബുധനാഴ്ച രാവിലെയാണ് ഏറ്റുമുണ്ടലുണ്ടായത്. സ്‌പെഷ്യല്‍ ഓപറേഷന്‍ ഗ്രൂപും ഡിസ്ട്രിക് വൊളണ്ടറി ഫോഴ്‌സും സംയുക്തമായി നടത്തിയ തിരച്ചിലിനിടെയാണ് മൂന്നു സ്ത്രീകളടക്കം അഞ്ചു പേര്‍ കൊല്ലപ്പെട്ടത്. മാവോവാദി സംഘത്തില്‍ 15 പേരുണ്ടായിരുന്നു. രക്ഷപ്പെട്ടവര്‍ക്കായി തിരച്ചില്‍ ഊര്‍ജിതമാക്കി. ഏറ്റുമുണ്ടലുണ്ടായ സ്ഥലത്തു നിന്നും തോക്കുകള്‍ കണ്ടെടുത്തതായും സേനാ വക്താവ് അറിയിച്ചു.